Um Nordklúbbinn

Nordklúbburinn er virkt ungmennafélag Norræna félagsins í Reykjavík fyrir fólk á aldrinum 15-30 ára. Við erum staðsett í Óðinsgötu 7, 101 Reykjavík og erum með reglulegar uppákomur, hittinga og fleira.
Meðal þess sem við höfum gert er:
Bíó-kvöld
Matarkvöld
Fjallagöngur
Kaffihúsahittinga
Spilakvöld

Engar kröfur eru um norrænan bakgrunn né tungumálakunnáttu. Eina skilyrðið er að hafa áhuga á norðurlöndunum að einhverju leyti.

Nordklúbburinn er frábær staður til að kynnast nýju og skemmtilegu fólki, halda norrænum tungumálakunnáttum við (ef við á), skemmta sér og ferðast.
Á ári hverju eru meðlimir Nordklúbbsins boðnir til systurfélaga sinna í Danmörku, Finnlandi, Færeyjum, Grænlandi, Noregi og/eða Svíþjóð. Er þá um að ræða t.d. gufubaða-maraþon, Kaffihúsahelgi eða ævintýraferðir. Þar mæta félagar Nordklúbbsins frá öðrum löndum til að kynnast, fræðast og skemmta sér. Eru þessir viðburðir opnum öllum en fá meðlimir okkar þátttöku-afslátt.

Stjórn Nordklúbbsins samanstendur af fjórum ungum og hressum sjálfboðaliðum  á Reykjavíkursvæðinu:
Salka Rún (formaður, íslensk)
Iris (varaformaður, sænsk)
Steinunn Ylfa(stjórnarmeðlimur, íslensk)
Gustav (stjórnarmeðlimur, sænskur)

Við gerum okkar besta til að skipuleggja skemmtilega og fjölbreytta viðburði og vinnum í að halda félagið virkt. Stjórnin hittir tvisvar á ári stjórnameðlimi hinna Norðurlandanna til að ræða stöðu félagsins og styrkja samband okkar á milli. Á þann hátt er ekki aðeins verið að skapa vinasambönd innanlands, heldur einnig við aðra Norðurlandabúa.

Öllum áhugamönnum er velkomið að mæta á viðburði sem verða auglýstir í blogginu.